Books and Everything: A New Face

Dear Readers,

Starting this 14th of May 2012, Hail Gil will be catering another "branch" of  interest which is BOOKS! I'll attempt to have this blog not just an Opinion and News blog but also a Book blog. This, then, will undergo a one-month phase experimentation whether or not I can sustain Hail Gil as both an Opinion and Book blog. Your feedback are appreciated the most and will be considered in the assessment.

Yours Truly,
Gil

Read More

Kabisdakan | Wala pa ba sila nabungol?

 Kuryente. Patubig. Mao na ang dakong isyu na giatobang sa mga maayong laki (og babae pud ^^) natong mga mang-babalaod sa syudad. Oo, dugay na ni na mga isyu, panahin pa guro ni Kopong-kopong pero karon lahi na. Ang mga tawo na mismo ang gabutang og mga bandera para madungog najud ang ilang yango-yango.

Ang dakong pangutana karon: natubag ba o giaksyonan ba kining reklamo sa ilang mga amo? Kita, mga kataw-han sa Iligan, ang amo anang naa sa City Hall. Kita ang ga-delega sa ilaha na mutrabaho para sa ato og sa kalambuan sa syudad. Kun naay nakabalo dira na nahatagan na og pansin ni nga isyu sa kataw-han, paki-contact na lang nako para mapasalamatan og mahatagan og pagtagad sa ilang maayong binihat dili man sab maka-tao kung puros sayup na lang ang atong makita). Pero hangtod walay magpamatuo nga giaksyonan na ni sa atong sulugoon sa City Hall, dili ta muhunong og padum-dom sa ila nga naa pa silay obligasyon sa ato: na daghan pa silang trabahuon na gadum-ok ra og katagad kanus-a sila panglihokon. Enough of their INCOMPETENCE (sa next post na lang nato na storyahan), diri sa ta sa pagtagad sa mga yango-ngo sa mga tawo.

Labi na dira dapit sa tubod bridge, sa right side kung mupadolong kag South Bound Terminal, makita nato ang mga streamers sa pagpadum-dom sa mga opisyales sa atong gisinati na problema. Usa lang ang ilang tumong ani: gusto nila makabalo kun unsa na ang progress ani nga problema. Wala nay lain. Gusto lang nila madungog kaning mga opisyales nato. Dili lang kay sa eleksyon ra nato sila madumdoman na galumbaanay og yaw-yaw og mga bakak dira sa plaza og uban pang lugar. Gusto pud nila kani sila ang muhatag og report sa ato, na ilang mga amo.

Kun kinsa ning mga "concerned citizen" nga nagpabuhat ani, ipadayon na. Maayo na para makabalo jud ang tanan na ingani na ka talibag-bag ang atong gi-asahan na magpalambo sa syudad. Og para sa mga opisyales sa syudad, dungga na intawon ning mga hinaing namo. Sure ko na mulabay man jud mo dira dapita sa tubod bridge, labaw ng usa dinha na muagi sa dalan padulong Tipanoy. (Except kung naa moy laing mansyon diri sa Iligan. hehehe). Lantawa! Og para makamata namo nga daghan pay kulang sa atong gigugmang syudad.

Read More

Susama sa Usa ka Halap...

Nahibaw-an na nato kagahapon na ang atong dakbayan sa Iligan kay na-"Budoy" na tungod sa mga brown-out (2x) na atong nasinati. Humana na ta ana gahapon, dili na nato balikon kay samok na. O.o Karon, akong ipabati sa inyo kung unsa pa akong nasaypan ani na mga brown-out (2x).

Kadtong nag-sugod na og patuman na mag-brown-out najud, nag-pagawas ang ILPI (Iligan Light and Power 'Palong') Inc og schedule sa brown-out matag-lugar. Okay na kay makabalo ta kanus-a mag-computer, mag-tan-aw og mga unsa-gud-ng-gusto-nimo-tan-awon na mga salida para dili sab ta maahat na wala pa kasulod ang bida sa iyang lungga (I see what you did there... :p hahaha). Okay na ni. Nisubay pa sila sa pipila ka adlaw. Pero bag-uhay lang, murag na-"Budoy" nasad og apil ning mga taga-Iligan Light and Palong (basin si eBoy na daun sunod, abangan. :p). Kabalo mo ngano? Kabalo ko nasinatian nasad ni ninyo: kay dili na sila mu-sunod sa gi-saad sa ilang schedule. Bag-o ra jud, ga-brown-out around 8pm pero ang gibutang sa schedule kay ganina rang alas-singko dapat mag-brown-out. Tan-awa, ga-computer ko ganina og sa dihang na erase tanan akong gibuhat kay nag-brown-out sa dili saktong oras. (Okay nalang kay nibalik mga 15-30 minutes after. Yaw na mo pag-hilak Budoy. hahahaha.). Aha man ang hustisya dinha?

Okay ramo dira (taga-ILPI o kung knsa manang gagunit sa plangka sa ILIGAN) nga gapataka na lang mo og palong bahalag wala sa schedule? Agoi! Bikil brad? Hahaha...

Ang ako lang diri, kung kailangan jud mag-brown-out sa siyudad, sabton na lang na namo. Pero kanang mag-hatag-hatag pa og schedule (i-post pud raba daun sa mga kolokoy sa fb) dayon dili sundon ang oras sa pag-brown-out, para aha na lang diay na? Pa-charmos rots karots? Klaroha lang palihug. Kung naa may bag-ong schedule, ipapost pud sa inyong mga kolokoy sa facebook para makabalo sad mi. Para dili pud mga ahak ang mga tawo na busy sa computer (Hala, unsa diay ka-busihan? hahaha.)

Mura naman gud mo dayon (sa paglantaw sa mga tawo sa inyo) susama sa usa ka halap...

...walay klaro.

Klaroha na para ma-klaro sab atong future.

Read More

Sa lugar nga TUBIGON...

Iligan City, the City of Waterfalls. Ang lugar kun aha ga-agas ang grabe ka-ilado na Maria Cristina Falls. Ang Iligan sab, through hydro plants sa the falls, and ga-supply og kuryente sa tibuok Mindanao. Impressive noh? Nag-puyo ka sa usa ka lugar na ang kuryente na imong gigamit para mag-tuon, mag-tan-aw og mga salida (naa na nimo kung unsa), maminaw'g balita na gabalik-balik lang pila ka tuig pa kaniadto og uban pa kay na-mugna tugod sa agas sa Maria Cristina. Perti ka nindot. Kinsa gud ang dili maka-ingon og, WOW! HANEP!

Pero nganong sa syudad unay sa Maria Cristina, unay pa sa mag-mugna'g kuryente, ga-brown-out naman lang og sige? Amaw no? Sa tinuod lang, nalibog nasad ko kung naunsa na ang mga tawo nga trabaho sa planta og nganong naingani naman tah. Wala pay kuryente, wala pay tubig sa syudad (aw, pasensya, lain na sab diay ni na topic. Kuryente lang sa ta karon. hahaha). Kung unsa man jud ang problema ani, ila untang gi-atobang pa og ayo. Personally speaking, nagpasabot unta sila sa mga tawo og kung ngano kailangan na mag-brown-out. Daghan man gud sa mga kaigsoonan nato diri sa dakbayan ang nabalaka, nasuko, nainsulto, sa ingani na kalihokan. Daghan jud ang naperwisyo ani na sistema. Daghan ang na hasol na mga establisyimento. Daghan nasad napugos og pasirado sa ilang mga tindahan tungod ani, labi natong mga gagmay na mga negosyante.

Kung unsa man gayud ang rason sa pag-brown-out, isa lang dyud ang akong ihangyo nila: Sa lugar na TUBIGON, abunda sa tubig, dili unta musaw-saw pa ang KORUPSYON nganong naay brown-out. Mapa-saylo pa ang mga problemang teknikal, pero ayaw lang ang korupsyon. Ayaw hasola ang mga tawo sa Iligan sa inyong pagka-buwaya!

* * *

Read More

Ambot kung Aha ang Utok ani Nila

Kinsa gud ang dili samokan mag-lantaw sa palibot nga samok? Kinsa gud ang dili mag-lagot kun ikaw makasinati og kagubot sa sistema? Og kinsa maganahang maminaw og hugyaw sa pagka-walay ayo? Wala! Walay maayong laki ang muingon na ganahan siya og mga ingana. Dili lang samok, maka-irita pa og maka-walag gana mulihok sa mga angay na lihokon tungod lang aning mga butanga. Tinuod, nagahitabo ni siya. Nahitabo ang mga ingani tungod (1)walay klaro ang gadumala o (2) walay ayo lang jud ang mga tawo. (ambot aha naing duha) Kitang tanan nakasinati ani og kitang tanan naay istorya na makadalit sa ingani na mga butang. Og karon, akong isaysay sa inyo akong storya sa mga walay ayo dinhi sa sosyedad kun aha ko nahimutang.

Kinsa ang nakakita sa mga gibuhat sa pang-gamhanan diri sa Iligan sa atong mga kadalanan sa siyudad (naa dira sa Manuang og dira dapit sa Jerry's sa Palao)? Mao jud. Mga dalan na gibang-guba sa walay klaro na rason og giguba luyo sa kamaayo pa niini. Ambot kung unsay gipang-kaon sa mga tawo dira sa City Hall o dira sa DPWH pero nahimuot lang ko ani na kalihokan. Daghan ang natingala ani.Naay uban muingon, "Nganong giguba naman sad ni? Maayo pa man ning dalana." Ang uban, "Ay sos. Matingala pa ta ana. Wala na silay kwarta karon og manigbas na na sila." Lain kaayo makadungog ani gikan mismo sa baba sa mga tawo kay gapamatuod ra kini na walay bilib og walay salig sila sa mga ga-alagad sa ilaha karon.

Wala ba na nakita nila na maayo pa nang dalana? Example, kanang dalan dinha sa Manuang (talipapa), kanang dalan padulong Bara-as og Tipanoy. Maayo pa mana kaniadto. Panguatan-a ng mga tawo na namuyo dinha. Og ako mismo muingon na maayo pa na kay tig-agian ko dinha. Daot guro ning mga mata ani nila. Hinuon, wala ko kablo kung unsa jud ang rason nganong giguba na nila para bag-uhon pero murag dili ni aksyon sa tawo nga naay saktong pang-huna-huna.

Wala ba nila nakita na mahal kaayo ng gub-on ang maayo nga dalan para buhatan og bag-o? Wala siguro. Kung ako pangutan-on, ga-usik-usik ra sila sa kuwarta sa mga tawo. Kung para sa development ilang tumong, dili nila gub-on ang maayo pa. Kanang kuwarta na gi-usik-usik nila para "PAG-AYO" kunuhay sa mga dalan, ila na lang kaha na gi-dapat sa pag-pa-semento sa mga dalan na wala pajud na sementohan diri sa Iligan. Ila na lang kaha na gigamit para pagtukod og MATAWHANONG balay para sa mga gi-Sendong. Ila na lang kaha na gidapat sa pagpayo og pag-tukod og mga klasroom sa mga eskwelahan sa syudad og sa kabukiran. Kana! naa pay klaro nga DEVELOPMENT kung kana man kaha ilang tumong. Wala nila nakita na tingala kay dili sila maka-tigbas? Puwde! Basin naa pud ni silay mga personal na interes.

Ambot na lang.

Magkatawa lang ko usahay ba mag-huna-huna aning mga butanaga. Nganong ako usa ka college student (2nd year) nakahuna-huna na dili angay nang gipang-buhat nila, na gasto mag-guba sa mga dalan kay para ayohon daw, og naa pay mas importante kaysa ana na dapat asikasuhon sa lokal na gobyerno (o kung sila pajud kapasiugda ana). Grabe ka komedya. Ayaw igna na mas maayong laki pa ang mga college student (og uban pang kabatan-onan) kompara ana sa Mayor, sa konsehal, sa kadumala dira sa DPWH combined? Na mas naa pa miy pag-lantaw sa tinuod na pag-uswag sa siyudad? Binuang. Kami na lang siguro mag-sila kung ingana man diay ang istoryaha. Usa ka college student mas maayo pa sa mga dagkong tae sa syudad? Dakong kataw-anan. Lupig pay komedya nila Dolphy og Pokwang. Mag-hagik-hik siguro si PNoy mag-lantaw (basig kani siya utro pud).

Sige lang puhon mangamatay na na sila. Ang kabataan daw ang pag-asa ng bayan. Sige lang mupuli rami ana. Tig-limpyo na lang diay mi ani sa mga hugaw na gibilin sa mga gauna pa namo? Hahai. Ambot kung aha ang utok ani nila gibutang sa ginoo.

* * *

Read More

KABISDAKAN sa makabag-ong panahon!

Bagong programa nako dinhi sa Hail Gil! Tanang artikulo na makita dinhi kay puros naa sa pahimulngang binisaya. Gikan sa mga balita, mga baikos, mga balak, mga sugilanon, og sa ubang natad kay masuta og masinati dinhi!

Read More